Manuel Arearen artikuluaren inguruan mintzatzen

"Introducción a la tecnología educativa" liburuaren lehenengo bi gaien lana

Artikuluaren mamia

Teknologia berriak gure gizartean errotu dira beraien onura eta kalteekin.

Geroz eta globalagoa den mundu honetan, teknologiek paper garrantzitsua betetzen dute, non ezinbestekotzat ere jo ditzakeegun. Argi dago, gizartea etengabeko eraldaketa prozesuan barneratuta dagoela, eta beraz, geu ere moldaketa horren parte egin behar garela. Honela ba ezin ukatu teknologia berriek hezkuntzan paper garrantzitsua izan behar dutela, beraz, teknologia berrien mundu honetara egokitzen den hezkuntza eskaintza zabaldu beharra dugu. Izan ere, hau egin ezean teknologia berrien alorrean analfabetoak izatera joko dugu, eta beraz, ez gara gizartearen eraldaketa prozesuaren parte izango nolabait esateko. Honegatik, ikasleak ikasten ikasi beharko du, informazioaei aurre egiten jakin beharko du, eta informazio horiek sailkatzen eta antolatzen, teknologia berriekin lan egiteko prestatuko da, kontzientzia hartuz, kritikoa izanez... Gizartearen etengabeko eraldaketaren parte izan eta honekin batera bertara (bizi den ingurura) moldatuaz.

Esaldia

Gaur egun teknologia berriak gure gizartearen, kulturaren, egunerokotasunaren... parte garrantzitsua dira. Horregatik, ezinbestekoa deritzogu teknologia berriak hezkuntzaren zati  izatea. Gizartea etengabe eraldatzen ari da eta beraz, geu ere berarekin batera aldaketa berriei zabalik egon behar gara.

“El desafío que aportan las nuevas tecnologías es que siempre estamos en transición".

Hausnarketa

Teknologia berriak bizitza errazteko balio dutela esango genuke, nahiz eta askotan arazoak ere ekartzen dizkiguten. Ezin uka dezakegu teknologiaren onurak asko direla. Eta berauetatik hainbat probetxu atera genezakeela. Baina, alor guztietan legez, teknologia etengabe eraldatzen ari da: aplikazio berriak, tresna berriak, gadget berriak...sortzen dira. Honela ba, honek zera eskatzen digu; geu ere aldaketa horren aurrean, etengabeko eraldaketa prozesuan izatea.

Egun, bai, mobila, argazki kamera digitala, emaila, portatila eta facebook bezalako hainbat elementu gure bizitzaren parte egin dira, eta beraz, berauek ez izatea beste mundu baten bazeunde bezala egotea da. Izan ere, informazio edota komunikazio iturri nagusi bilakatu direla argi ikus genezake: lagunekin komunikatuta egoteko, lan egiteko edota berau aurkitzeko, edozein informazio iturri kontsultatzeko...

Guzti honegatik teknologiak egun ezinbesteko bihurtu direla esan genezake.

Eskolan teknologia berriak tresna baliagarriak dira, prozesu konstrutibista bultzatzeko egokiak direlako besteak beste. Uste dugu irakasleak ondo prestatuta egon behar duela, bai teknologia berrien atal honi dagokionez eta baita irakaste metodoi dagokienez ere. Honela ba, hezkuntza ere gizartearekin batera etengabeko moldaketa prozesuan egon beharko litzatekeela uste dugu. Eta honi jarraiki teknologia berriek hezkuntzan izan behar duten papera ere ezinbestekoa dela uste dugu garai hauetan.

Hirugarren mundua deritzogunarekin konparatuta, garapenaren aldea geroz eta nabarmenagoa da zoritxarrez. Eta zer esanik ez teknologia berrien mundo honi dagokionez, izan ere, berauek izateko eta garatzeko diru kantitate izugarriak behar dira. Eta han, garrantzia eta urgentzia gehiago duten beste beharrizan batzuk ere oraindik asetzeko daudenez, garapenaren arlo honi erreparatuz, beraien eta gure artean oraindik dauden aldeak handiagotuz joango direla uste dugu.

                                                Bost hitz gako:

Globalizazioa

Teknologia

Desberdintasunak

Kontrola

Aldaketa

Galderak

- Nola indartu dezakegu irakasle baten prestakuntza teknologia berrien alorrean?

- Nola txertatu ditzakegu irakasle eta ikasleentzat teknologia berriak era erakargarri batean?

Gure beharren zerrenda

Teknologia berrien mundu hau guretzat ere erabat harrotza da. Honegatik, apurka-apurka trebatzen joan beharra dugu. Irakasgai hau beraz, ikaskuntza horren bidea izan eta erabat aberasgarria eta erabilgarria izango zaigula uste dugu.
Asko daukagu ikasteko, asko deskubritzeko, kuxkuxeatzeko...
Motibazioaren beharra ere sentitzen dugu, beharbada galduta sentitzen garelako izan daiteke edota informazio larregi asimilatzen ari garelako hain denbora laburrean. Beraz, guztiaren laburpen-eskema argia egitea beharrezko deritzogu, zer ikasten ari garen, zer ikasi behar dugun eta batez ere, zertarako ikasten ari garen jakiteko.
Eta teorian ikasten ari garena nola eraman dezakegun praktikara ikustea.. Alegia, gero irakasleak garenean nola txertatu teknologia berriak haur hezkuntzan.



Informazioa bilatu eta osatu 

http://webpages.ull.es/users/manarea/biografia2.html
Manuel Area Moreira-ren biografia eta bere liburu batzuen pdf-ak daude web honetan.

http://es.scribd.com/doc/9778116/Entrevista-a-Manuel-Area-Moreira-Por-Gabriela-Spadoni
Manuel Area Moreira-ri egindako elkarrizketa interesgarria.