Aurkezpenak lau.

Eta ia konturatu be egin barik aurkezpenen azken eguna izan da gaurkoa!
Orokorrean oso pozik gaude hartu dugun guztiagatik eta hausnarketa sakonago bat egiteko asmoa daukagun arren, talde guztiak batera eratu dugun atmosfera eta planeta honen parte izateaz oso pozik gaudela esatea gura genuen gaurko taldeen hausnarketak adierazi aurretik.

Lehenengo taldea, Erretako pizza izan da eta berauek jorraten duten gaia: komikia.
Egia esan txundituta utzi gaituzte ez bait genuen imajinatu ere egiten hainbesteko jokoa eman ahal zuenik. Eta egia esan benetan gure neskak gaia zuku ederra atera diote, eta oso momentu atsegina pasatu dugu beraiekin.
Hasiera legez, antzezlana egin digute, gure Nikoleta andereñoak interpretazio bikaina egin digu, benetako antzezlea zirudien. Barre batzuk bota digutu antzerki labur horrekin eta pseudoletra eta grafia eskasen artean, hausnartzera ere eraman gaituzte. Izan ere, hiru urte hauetan eta batez ere, irakasgai honetan eratu dugun irakasle identitate horrek duen garrantzia azpimarratu digute gaur gelan, gure izatea eta idealak guztiaren gainetik daudela ikusarazi digute eta beraz, gure egunerokoan, gelan, kalean, horrelakoxeak izan behar garela!

Gero beraien gaira fokalizatu dute saioa, Andereñoa amets sakonean sartu eta eta komikiaren inguruan beraiek egindako bideoa erakutsi digute. Bertan, hainbat pertsonen iritziak azaldu dizkigute baliabide honen inguruan eta batez ere, lehengo garaietan zuen garrantziaz jabetu ahal izna gara. Izan ere, gure aiton-amonentzat edota gurasoentzat izugarrizko baliabideak ziren komikiak, haien garaietan beraien jostailuak ziren eta egunerokoan ezinbestekoak asko eta askorentzat. Honekin ikusi ahal izan dugu, apurka komikiak ikaskuntzan izan ditzakeen hainbat gauza positibo egun ikusi ere ez direla egiten eta beraz, albo batera laga eta ez diegu atera ahal zaien kutsu hori atera eta beraiekin jorratzen. Eta hori pena bat da.
Bestalde, erakutsi digute, badaudela egun sarean guk gura ditugun komikiak egin ahal izateko programa mordo bat eta beraz, beraiek erabiltzera animatu gaituzte. Uste dugu honelako programak ondo datozela, batez ere, marrazkigintzan trebeak ez diren horiek komiki edota uirudiak beharrezko diren elementu horietan trebatzeko,  besteak beste. 

Gero, haurrekin ere praktikan jarri dute komikiaren lanketa eta berau islatu eta aportatu digute gelara ekarri diguten bideoan. Oso baliagarria izan dela iruditu zaigu, izan ere, azaldu eta landu duten hori frogatu egin dutelako eta gero guri erakutsi. Eta egia esan benetan haurrekin lantzeko izugarri polita eta aberasgarria izan daitekeen gauza bat dela iruditu zaigu eta egun gure geletan ez dela behar beste lantzen.

Azkenik, beraiek sortutako komikiak oparitu dizkigute eta barre batzuk bota ditugu beraiek irakurtzen, egia esateko artista hutsak egin zaizkigu. Honegatik gaurkoan be uste dugu, izugarrizko lana egin dutela erretako pizza taldekoek eta gauza akso izan direla gelara ekarri eta erakutsi dizkigutenak, guztiak baliagarri eta apreziagarriak benetan. Honegatik, ZORIONAK! 

Bigarren taldea, Aostera izan da eta hauen gaia, Eskola 2. Berau zer den azaldu digute gelan, eta horretarako informazio desberdinak aurkitu eta kontrastatu dituztela agerian utzi dute gaur egin duten aurkezpenean. Youtubeko Bideo bat ere jarri digute eskola 2.0ren kontzeptuen laburpenak bertan adierazten zirelak, eta egia esan gaurko klasea baliagarria izan da kontu honen inguruan pixka bat gehiago jakiteko. Izan ere, bada jada denbora nahikotxo gure inguruan eskola 2.0ren gaia bueltaka dabilena, baina, egia esan, oinarte ez ditugu hain ongi beronen erraiak arakatu. Honegatik, gaurko klaseak gai honetan gehiago sakontzeko asko balio izan digu. Gianera, arazo bat edo beste ere izan dute, egin duten bideoren batek arazoak eman dizkietelako eta beraz, hori pena bat izan da. Hala ere, benetan baloratzekoa egin duten informazio bilaketa, kontrastaketa eta berauen islatzea egoera errealetan. Azken hau diogu, beraien gaiaren inguruan irakasle bati ere elkarrizketa egin diotela eta gero berau gurekin gelan konpartitu. Honek lagundu digu gai hau eguneroko errealitatean nola jorratzen den ikusten.
Bestalde aipatzekoa da aukezpenean  PREZI programa erabili dutela. Talde hau izan zen programa ezin dominaturik zebilela eta laguntza eskatu ordez, beraien erronka pertsonala gainditzea lortu dutela erakutsi digute gaur, aupa neskak!

Gaia, orokorrean, oso teorikoa izan da baina ondo uztartu dutela deritzogu eta beraz, lan polita ekarri digutela gelara. Teoria ere beharrezkoa da bizitza honetan, Alaiutzek esan duen legez!

Gainera, azken minutuen egin diguten papertsoen ekarpena bikaina izan da BIKAINA izan da!
Beraz, egindako lanagatik, zuei ere ZORIONAK!

Sentituz bizi garelako! 

Hitzak: aberastasuna, poza

Aurkezpenak hiru.

Eta aste honetan, Armonika lewinsky-koek esan bezala, 2X1 izan dugu. Izan ere, bi egun izan ditugu aurkezpenez gozatzeko. Bigarren egunean, ostegunean ordu extrak sartu eta beste bi talderen aurkezpenak ikusteko aukera izan genuen. Alde batetik, Klikasten taldekoak eta bestetik, gu geu, Makamutxu taldekoak. 

Honela ba aste hau lanez gainezka egon da guretzat, aurkezpenagaz ibili bait gara gora eta behera; zer egin, gustatuko ote zaien, nola planteatu hau eta bestea...milaka buelta eman ditugu eta ordu mordoa sartu unibertsitatean, lan asko egin bait dugu. Hala ere, gustura geratu gara lortutako giroarekin eta egindako aurkezpenarekin. Gure helburuak bete direnaren sentsazioarekin gaude eta batez ere lortu nahi genuen sentimendu hori sortu dugula uste dugulako. Beste sarrera batean azalduko dugu zehatzago gure lanaren nondik norakoa eta beraz, aipamen txiki hau egin gura izan dugu, aste honetan ez bait dugu aktualizazio extrarik egin eta beraz, aldez aurretik horren arrazoia zein izan den plazarazi mahi izan dizuegu (lana!). Honela ba, hau komentatu ostean, orain gure gelakideen aurkezpenaren iruzkinari paso emango diogu.

Lehenengo taldea Klikasten izan da eta beraiek gaur gelara ekarri diguten gaia, teknologia berriak irakaskuntzan izan da. Antzerki antzeko batekin irakasleek gelan teknologia berriak nola erabili ditzaketen  bi adibide interpretatu dizkigute oso era garbian. Bi irakasle mota erakutsi dizkigute, batak irakasteko metodo tradizionala erabiltzen zuen eta besteak modu konstruktibistan irakasten zuen.  Oso kutsu komikoa izan du, batez ere, jendea berandu sartu eta gure andereño Olatzek izan duen erreakzioa zein izan den ikusi dugunean (oso ona, inprobisazio bikaina alajaina!). Guzti honek, konparaziorako tartea eskaini digu  eta pentsaraztera eraman. Izan ere, irakasle izango garen heinean jakin beharra dugu, ez dela bakarrik teknologia berriak ezagutzea, baizik aprendizaia lortzeko metodoak erabiltzea eta ikasle-irakasle arteko komunikazioa sustatzea bi noranzkoetan, besteak beste. Eta horretarako, ikaslea aktiboa izan behar dela pentsatzen dugu, irakaslea bitarteakari papera izango du beraz, eta ikaslea izango da bere kognizio bidea eratuko duena.

Eta orduan adierazi digute Tik eta Tak-em arteko "liskarra" bi pentsamendu desberdin, baina galdera bakarra: informazio eta komunikazio teknologiak formakuntzan nola erabili onuragarria izateko bai irakaslearentzat, bai ikaslearentzat. Eta honi jarraiki eurek eratutako bideo bat jarri digute. Oso ona izan da, ideia argiekinn egindakoa eta guretzat esanguratsua.

Gero, Prezi-a erabili dute aurkezpena egiteko eta berton aurrekoaz aparte teoria landu dute, izan ere, teknologia berrietan eta irakaskuntzan aditua den Juana Sancho-ren informazioaz baliatuz, laburpen txiki bat aurkeztu digute. 

Asko gustatu zaigu aurkezpena, argioa izan da eta gure ustez gerora begira hausnarketa egitera eraman diguna. Oso esanguratsua izan dela iruditu zaigu eta era desberdinetan informazio ezberdinak ematetik aparte, guretzat aberasgarria izango den hori zuzenean eta argi aportatu digutela iruditzen zaigu. Gainera, aurkezpenaren atzean lan asko egon dela nabaria izan da eta hori ere baloratzekoa da. Bestalde esan gura genuke, beste talde batzuek legez, hauek ere teoria izan dutela guri aurkezteko eta berau, era erakargarri eta dimnamikoan plazaratu digutela nabaritu dugu, bai adibideak interpretatuz edota prezi eta bideoaz baliatuz. Beraz beste behin ere, egindako lanagatik ZORIONAK zueri talde!

Honen ostean, urduritasuna nabaria izan da gure artean, gure txanda heldu da!

Ai ama!

Eta honen harira, burura datorkigu Paulo Freire-ren esaldi bat: 

"Alfabetizarse no es aprender a repetir palabras, sino a decir su palabra"

Hitzak: konstruktibismoa, irakaskuntza esanguratsua

Aurkezpenak bi.

Horrelaxe gaude gu, aluzinatuta! 

Izan ere, astelehen honetan beste hiru aurkezpen izan ditugu eta oraingoan ere izugarria izan da. Geroz eta gauza gehiago ikasten ari gara, eta gure baliabideen eta teknologia berrien inguruan dugun informazioaren kutxak gainezka egin behar digu. Taldekideek mordo bat gauza aportatu dizkigutelako alde batetik, eta gerora begira gure egunerokoan erabilgarri izango zaizkigun hainbat baliabideren jakintza ere eman digutelako bestetik. Beraz, gu erabat aberastuta eta pozarren sentitzen garela aipatu gura dugu.


Lehenengo taldea, Haur Hezkuntza Bilbo, teknografien gaiarekin etorri zaigu. Aurrekoan aipatu bezala gai ezaguna guretzat, baina oraingoan are ezagunagoa. Izan ere, batetik gure gaia delako eta bestetik lehengoan talde batek ere gai beraren inguruan jorratu zuelako bere aurkezpena. Hala ere, bestean esan legez, oraingoan ere harritu egin gara talde honek lanaren enfasia beste puntu batean jarri duelako, teknografia burutzeko prozesuan hain zuzen. Honegatik, batez ere, movie maker programarekin lanean ibiltzeko pauta desberdinak erakusti dizkigute, sortu daitezkeen arazoen berri eman eta berauek gainditzeko bideak ere erraztu dizkigutela esan genezake, besteak beste. Beraz, gure taldean hainbeste buruhauste eragin dizkigun programa honen inguruan are gehiago ikasteko aurkezpen ederra izan dela uste dugu, batez ere, adibidez hurrengoan teknografiaren bat edota bideoren bat egiteko ezagutzen ez genituen trukuren bat edo beste barneratzeko aukera eskaini digutelako, besteak beste. Gainera, beraien ikasle-irakalse identitatea definitzen duten eta honen adierazle den teknografia ere aurkeztu digute eta benetan hunkigarria iruditu zaigu; musika, irudiak eta hitzak erabili dituzte berton eta izugarria da hiru ezaugarri horiek uztartzean guregan eragin dezakeen guztia. Lan polita izan da eta zueri ere ZORIONAK!



Bigarren taldeak, lehiaketa batean partehartzeko aukera eman digu, "50X15" delakoan hain zuzen. Hainbat galdera erantzun behar izan ditugu IKTen inguruan, eta honek informazio asko barneratzen lagundu digu. Egia esan behar badugu, galdera asko erantzuteko buruhauste txikiak izan ditugu, baina, guztiok batera pentsatu eta erantzun egokia zein den hausnartuaz are errazagoa izan da lehiaketan aurrera egitea. Aurrera egitetik aparte irabaztea ere lortu dugu eta punta-puntako teknologia aparatuak izan ditugu sari gisa. A ze pagotsa gurea. Aurkezpena erabat originala iruditu zaigu, izan ere, joko honen bitartez jakintza desberdinak adierazi dizkigute modu erakargarri eta komiko bat atxikituz, eta hau gustokoa izan dugu. Lan ona egin dute, eta informazioa errealitatearekin kontrastatu dutela ere aipatzekoa da. Azken hau egiteko galdeketa antzeko bat egin dutelarik bai irakasle eta ikasleen artean eta hau ere erabat interesgarria iruditu zaigu. Honegatik, eta gazapoak medio (jajaja) asko gustatu zaigu Lau Mila Kolore taldearen aurkezpena, beraz, ZORIONAK!


Hirugarren taldea, Eskola 2.0ren inguruko informazioarekin etorri zaigu eta informazio, baliabide eta adibide desberdinez hornitu dute gure teknologia berrien inguruko jakintza. Gauza asko izan dira, teoria asko, baina, guri horrekin aportatu diguten guztia are handiagoa. Nabaritu da lan handia egin dutela informazio asko izan baitute alde batetik, eta hainbat eta hainbat iturri kuxkuxeatu dituztelako bestetik. Honegatik, guzti hori gurekin konpartitu nahi izate hutsa bakarrik baloratzekoa da, izan ere, ez baita batere erraza hainbeste gauza talde handian konpartitzea eta asteetan zehar buru belarri jorratzen ibili diren lan hori aurkezpen batean sintetizatzea, besteak beste. Hori dela eta, uste dugu egin duten lana handia izan dela. Gainera, guri geuri dinamikoa izan denaren sentsazioa eman digu azkenean guztia interesgarria iruditu zaigulako. Eta ez bakarrik interesgarria baizik, eta gerora begira baliagarria eta errealitatean aurki dezakeguna. Beraz, azken talde honek egin duen lana ere benetan potoloa eta zoriontzekoa, Kuxkuzeatuz honegatik zueri ere ZORIONAK!

Eta aurreko sarreran esan genuen bezala eskerrak eman beharrean gaude gaur ere. Eskerrak  taldeek gurekin konpartitu duten guzti horrengatik!

"Ikasten ikasten beti gure adimena zabaltzen..."

Hitzak: radiokasetea, baliabideak

Aurkezpenak bat.

Azkenean ere hasi dira aurkezpenak eta gu pozarren. Izan ere, azken urte hauetan argi baino garbiago egiaztatu ahal izan dugu, hala eman ez arren, aurkezpenetatik izugarri ikasten dugula. Bata bestearen lanak konpartitzeko aukera eskaintzen digu metodologia honek eta honela, guztiok besteen esperientzietatik ikasten ikasten dugu eta klaseak kreatiboak izatetik aparte, erabat aberasgarriak izaten direla uste dugu.

Eta honela ba, goiko sarrera txiki honen ostean gaurko aurkezpenen hausnarketari paso emango diogu.

Gaurkoa ikusita, esan beharra dugu erabateko presioa sentitu dugula. Hiru taldeek ezin hobeto aurkeztu dizkigute beraiek landutako proiektu desberdinak eta listoia oso goian utzi dutela nabarmendu gura genuke, guri bederen izugarri gustatu bait zaizkigu. Hala ere, honek gure lanaren inguruan pentsaraztera eraman gaitu, izan ere, hauen lanak ikusi ostean ea zer egitea lortzen dugun...

Beraz, gu ere aurkezpena prestatzen gabiltza buru belarri!

Lehenengo taldeak portfolioa aurkeztu du. Oso argi azaldu dute, informazio mordoa izan dute guri aurkezteko, teoria mordoa alegia. Eta hori modu dibertigarri eta erakargarrian plazarazi digute eta hau baloratzekoa dela uste dugu. Izan ere, ez da batere erraza tokatu zaien gai konkretuarekin (beronek aurkeztu beharreko oro mugatu egiten duelako) eta transmititu behar izan duten informazio objektibo pilla horrekin sortu duten bezalako aurkezpena bideratzea. Beraz, lan bikaina egin dutela iruditu zaigu. Irakasleen errealitateko esperientziak konpartitzea ere asko gustatu zaigu, azkenean eman duten teoria hori errealitatearekin kontrastatzea positiboa dela deritzogulako. Bloggak nola, nork eta zertarako erabiltzen duten ikusi eta ikasi ahal izan dugu berauekin. Bideo ezberdin asko egin dituzte, gai teoriko baten barruan kutsu komikoa txertatzea lortuaz, eta ikusi ahal izan da honen atzean lan asko egin dutela beraz, ZORIONAK Jakinminez ikasi!

Bigarren taldeak, "Teknografia" gaia izan du. Guretzat gai ezaguna, izan ere, gu ere gai hau jorratzen gabiltza azken aste hauetan. Hala ere, erabat kuriosoa iruditu zaigu eurek aurkeztu duten modua. Hau diogu, ze nahiz eta biok gai berbera izan, gure fokalizazioa eta beraiena guztiz desberdina izan da eta honegatik, lortutako emaitza ere ez da berbera izan. Honela ba, gaurko gaia ezaguna egin zaigun arren, beronen harira, taldekideek gauza berriak aportatu dizkigutela aipatu beharra daukagu eta beraz, gure gaian are gehiago sakondu dugula eta gauza berriak ikasi. 

Beraien irakasle identitatearen nondik norakoen berri eman digute eta berau transmititzeko, taldeko teknografia komuna eta sketch desberdinez baliatu dira. Lehena oso hunkigarria izan da eta bigarrena oso komikoa eta aldi berean esaguratsua guztion hausnarketa pertsonalerako. Hau ere asko gustatu zaigu. Bideoan oso ondo erakutsi dute irakasleak haurrekin zelako harremana izan behar duten. Oso aktore onak dira eta bideo xume batzuekin, aurrerago esan bezala, gauza asko pentsaraztera eraman gaituztelako: ikasle-irakasle papera, irakaslearen jarrera etab.rren inguruan hausnartzera bultzatu digutelako besteak beste.

Beraz, zuei ere ZORIONAK Etorkizuna eraikitzen!

Hirugarren taldeak, gure gelako guztien aurkezpen fitxez baliatuz eta dituzten abilezia guztiak uztartuz, aportazio itzela egin digute. Izan ere, gai abstraktu batetik abiatuta guretzat esanguratsuak izan diren hainbat kontzeptu eta sentimendu saltoka jarri dituzte gure burmuin eta gorputzean. Musika, hitzak, "puesta en escena" bera...dena gustatu zaigu. Gure erresistentziak puxkatu egin ditugu (a ze lasaitasuna, benetan desestresatzeko aukera bikaina izan dela ikusi dugu. Eskerrak paper soil bat izan den...) eta baloreak gure zuhaitz birtualean eskegi. Bizitzak gauza onak eskaintzen dizkigun legez, txarrak ere eman ohi dizkigula ohartu gara, baina hau ez dela batere negatiboa ikusarazi digute, ez horixe. Izan ere, gauza negatiboetatik ere ikasi egiten dugu, hazi egiten gara. Eta garrantzitsuena, gauza negatiboetatik asko ikasten dugu, positiborantz salto bat ematen dugularik. Eta horren isla izan da, balore desberdinekin baliatuz erresistentziak eta oztopoak gainditu ditugula ikustea. Orduan, gure haziak sustraiak bota eta loratu egin zaigulako! 
Nabari da gure talde hau trebea dela teknologia berriekin, eta lan asko egiten ibili direla guri guzti hau eskaintzeko. Honela ba, hirugarren taldearen aurkezpenak ere barrutik betetzen lagundu digu eta era desberdin batean, hazi egin gaitu. Beraz, egin duzuen lanagatik, ZORIONAK Armonika Lewinsky!

Laburpen gisa esatea, hiru taldeen lanak bikainak izan direla, lan asko egin dutela eta hori nabaria izan dela aurkezpenetan. Eta batez ere, izugarri baloratu dugu aurreko egun guztietan egindako lan guztiaren sintetizazioa eta guzti hau besteoi aurkezteko modua, hau da, ikusleoi transmititzeko modua. Itzela izan da. Gero berezkoa den aktore/aktoresa dohaiak dituztela ere ikusi dugu (hemendik telebistara!) eta horrek aurkezpen onak egiteko aukera eman diela. 

Maila horretara heltzea kostako da, hala ere, ahalegina ez da faltako gure partetik.

Besterik barik, mil esker hiru taldeei gurekin konpartitu duzuen guztiagatik eta gaur hainbeste emateagatik!

Eta bene-benetan ZORIONAK, artista hutsak zarete! 

Hitzak: poza, ikaskuntza

Pozik gaude!

Gaurkoan pozik gaude azkenean ere, hainbeste kostata baina bukatu ditugulako gure teknografiak. Egia esan, gaurko klasean elkarrekin trukatu eta konpartitu ditugu berauek, eta esan dezakegu gustura geratu garela egindako lanarekin. Ezin ahaztu eta atzean utzi haserre eta frustrazio momentuak, ezta momentu puntual askotan guregan agertu den etsipen sentimendua ere. Hala ere, gaur bestelako eguna da. Izan ere, hainbeste esfortsuk fruitua eman dutela esan dezakegu eta benetan ikasketara bideak merezi izan duela: zeozer gehiago ikasi dugulako hainbeste aldapa izan dituen bide honetan zehar; Moviemaker programa manipulatzen ikasi dugulako (hala edo hola) eta beraz, beste baliabide bat ere badaukagulako. Eta guzti honetatik garrantzitsuena gu geu ere pertsonalki hazi garelako. Helburu bat izan dugu, proiektu bat esku artean. Baina berau lortzeko pentsatu baino oztopo gehiago aurkitu ditugun bidean. Hala ere, pixkanaka aurrera egin ahal izan dugula ikusi dugu eta bidean elkarri lagundu diogula, besteak beste. Eta horrek poztu egin gaitu nolabait esateko.
Sentsazio gazien ondoren datorren gozotasuna sentitzen ari gara, ekaitzaren ostean datorren barea...ez dakigu zer. Baina, gaurkoan pozik gaude.

Eta honegatik, lehengoan liburu bat irakurtzen nenbilela ondorengoarekin topo egin nuen eta zuekin konpartitzea pentsatu dugu. Goza ezazue, eta batez ere hausnartu dioen horretaz...

EL ELEFANTE ENCADENADO

 

"Cuando yo era pequeño me encantaban los circos, y lo que más me gustaba de los circos eran los animales. Me llamaba especialmente la atención el elefante que, como más tarde supe, era también el animal preferido por otros niños. Durante la función, la enorme bestia hacía gala de un peso, un tamaño y una fuerza descomunales... Pero después de su actuación y hasta poco antes de volver al escenario, el elefante siempre permanecía atado a una pequeña estaca clavada en el suelo con una cadenaque aprisionaba una de sus patas. 

Sin embargo, la estaca era sólo un minúsculo pedazo de madera apenas enterrado unos centímetros en el suelo. Y, aunque la cadena era gruesa y poderosa, me parecía obvio que un animal capaz de arrancar un árbol de cuajo con su fuerza, podría liberarse con facilidad de la estaca y huir. 

El misterio sigue pareciéndome evidente. 

¿Qué lo sujeta entonces?

¿Por qué no huye?

Cuando tenía cinco o seis años, yo todavía confiaba en la sabiduría de los mayores. Pregunté entonces a un maetsro, un padre o un tío por el misterio del elefante. Alguno de ellos me explicó que el elefante no se escapaba porque estaba amaestrado. Hice entonces la pregunta obvia: "Si está amaestrado, ¿por qué lo encadenan?"

No recuerdo haber recibido ninguna repuesta coherente. Con el tiempo, olvidé el misterio del elefante y la estaca, y sólo lo recordaba cuando me encontrabacon otros que también se habían hecho esa pregunta alguna vez. 

Hace algunos años, descrubí que, por suerte para mí, alguien había sido lo suficientemente sabio como para encontrar la respuesta: 

El elefante del circo no escapa porque ha estado atado a una estaca parecida desde que era muy, muy pequeño.

Cerré los ojos e imaginé al indefenso elefante recién nacido sujeto a la estaca. Estoy seguro de que, en aquel momento, el elefantito empujó. tiró y sudó tartando de soltarse. Y, a pesar de sus esfuerzos, no lo consguió, porque aquella estaca era demasiado dura para él. 

Imaginé que se dormía agotado y que al día siguiente lo volvía a intertar, y al otro día, y al otro... Hasta que, un día un día terrible para su historia, el animal aceptó su impotencia y se resignó a su destino. 

Ese elefante enorme y poderoso que vemos en el circo no escapa, porque, pobre, cree que no puede. 

Tiene grabado el recuerdo de la impotencia que sintió poco después de bacer. 

Y lo peor es que jamás se ha vuelto a cuestionar seriamente ese recuerdo. 

Jámas, jámas intentó volver a poner a prueba su fuerza..."

"Ezina ekinez egina"

Hitzak: emaitza, poza

Moviemaker-arekin lanean

Aste hau benetan potentea izan da guretzat. Izan ere, arlo desberdinetako lanak egiten gabiltza zoroen pare. Hau bukatu, bestea prestatu, biharko atal hau egin, besterako materiala ekarri...
Aste Santuetako oporrak heltzeko gogoa eta udaberria ere agertu direla nabari da gure egunerokoan.
Guztiok bait ditugu nerbioak pil-pilean.
Honen ondorioz, egia esan aste honetako sarrera berandu xamar publikatu dugu, beraz, aurretiaz barkamena eskatu gura genuke.
Eta orain sarrera txikiaren ondoren gure lanaren nondik norakoen berri ematera goaz.
Aurreko astean ideia eta proiektu desberdinak planteatzen egon ondoren, jada hasi gara moviemaker-arekin lanean. Egia esan uste baino arazo gehiagorekin egin dugu topo eta honek milaka (beharbada exageratzen ari gara) tentsio momentu sortu ditu gure barnean. Oztopo mordoa aurkitu ditugu gure bideoa osatzeko: batean, moviemaker-aren bertsio ezberdinak ditugulako ordenagailuan, eta ondorioz ordenagailu batetik bestera kargatzean bideoak desagertu egiten direla; bestean, bideoak sartu nahi ditugula eta horretarako lan itzela egin dugula (bideoen formatuak aldatu eta gauza desberdinak mugitzen ibiliz), eta azkenean, hainbeste esfortsuren ondoren, gure helburua lortu gabe geratu dela barneratu behar izan dugu, bideoetako kode arazoengatik; Eta bueno, zer esanik programa blokeatzen denean jasaten ditugun  frustazio-estres-haserre momentuak gogoratzen hasten bagara...
Pentsatu baino lan gehiago dugu teknografiak egiten.
Gure lanak eta proiektuak aurrera doazela ikusten dugun arren, esfortsu itzela egiten ari garela uste dugu, eta benetan uste genuena baino zailagoa dela lan txukun bat egitea, moviemaker-a guretzat programa berri bat delako eta uste ez arren pentsatu baino galduago sentitzen garelako berau maneiatzen.
Hala ere, bukatzeko gogoa daukagu eta nola edo hala gure frustrazioak apurka gaindituko ditugunaren indarra ematen ari gara elkarri. Izan ere, taldean konpartitzen ditugu etxean egiten ari garen lanaren gorabeherak eta hitz egiteak asko laguntzen digu, eta baita besteen egoera ezagutzeak edota elkarri laguntzeak. Honela ba, pixkanaka aurrera egitea espero dugu eta apurka ea gustua hartzen diogun bideoak egiteko programa honi. Beste baliabide bat gehiago izango bait dugu gerora begira eta hori oso aberasgarria da guretzat.
Beste barik, proiektua bukatzera goaz , eta beraz, animoak guztioi!


Euskal atsotitz batek esaten duen legez:

 "Gogoko tokian, aldaparik ez"

Hitzak: estresa, lana

Lanean murgilduta buru belarri!

Aste honetan, sarrerako izenburuan jarri dugun legez gabiltza, gure teknografia egiteko prozesuan murgilduta. Bestelako teknografiak kuxkuxeatzen, ideiak hartzen, musika eta irudiak bilatzen, movie maker programa arakatzen... Nahiko lasai aritu gara lanean, hau egin, bestea ukitu etab.
Orokorrean oraindik gure martxa hartu nahian ibili gara. Hala ere, gaurkoan pixkanaka gure proiektu honen bidea apurtxo bat gehiago ezagutzen dugunaren sentsazioarekin gaude. Izan ere, lan asko dugu aurretik eta egia esan horrek beldurtzen gaituen arren, badakigu zer egin behar dugun eta beraz, gure bide luzean helmuga non dagoen aurkitu eta ikusi dugula esan dezakegu. Beharbada, edo ziur aski hobeto esateko, bide honek, bide-zidor eta oztopo ugari izango ditu, desesperatu eta estresatu ere egingo gara, baina merezi izango du guztiak.
Bestalde, lan honekin gure barruak arakatzen hasi gara eta horrekin batera milaka sentimendu mugitzen. Mila momentu eta oroitzapen gogorarazten ari gara. Sentimendu multzo izugarria.

Gaur, estrupus ere egin dugu musika txertatzen eta kentzen nahaste ugari ibili ditugulako besteak beste, baina gure burua erronka berriei aurre egiten ikusteak motibatu ere egiten gaitu. Honela ba, edozein egoeretatik ikasi dezakegula ohartzen gara.

"Ibili , erori eta altxatzearen oinarrizko legea
Ikastearen dema ala dema bera irakaspen , ber gauza dira"

Joan den asteko sarrerari begiradatxo bat bota diogunean irribarrea atera zaigu. Amildegian behera salto egingo genuela jarri genuen eta oraindik halaxe sentitzen garen arren, amildegi horren altuera, sakonera, baxua dela ikusten dugulako gaur. Hau da, garapen bat egon dela ohartu garela alegia, eta genituen beldur horiek apurka uxatzen ari garela eta uxa genitzakela sentitzen dugula, lortuko dugula. Eta horrek motibatu egten gaitu, proiektu honen bide honetan pausu bakoitza gogor egiteko. Bidea gurea da eta oinatzak guk egingo ditugu, gaizki edo ondo, baina markatuta lagako ditugu bidean zehar.

Hitzak: bide-zidorrak, oroitzapenak

Asteleheneko saioa eta gure gaia!

Egia esan, astelehenean bertan egin genuen sarrera bat. Eta bertan kontatu genuen prezi-a arakatzen ibili ginela eta beronekin gure lehenengo aurkezpena sortu genuela, besteak beste.

Hala ere, saioa bukatu aurretik gure lan espezifikoa zein izango den jakin genuen; teknografia!
Aitortu behar baldin badugu, ez genekien zer zen ere, eta Alaitzek eman zizkigun azalpen eta adibideei esker apurka zeozeren pistak hartzen joan ginen, gure eginbeharra zein izango den argitu genuen arte. Helburua edo oinarria, gure ikasle-irakasle rolak eta egoerak aztertzea da, bizitzako etapak. Hau da, momentu batean gu geu arakatzen jarri behar gara eta gure sentimendu, oroitzapen, pentsamendu eta bizipenetara bidaiatxoa egin. Eta orain erreflexionatzen jarrita, hau egitea ez da batere erreza... Norbera arakatzea, teknologia berriak arakatzea baino gauza zailagoa dela ere pentsatzera heldu gara momentu batean, imajinatu!
Hala ere, gogoz hartu dugu erronka berria. Izan ere, ez da hor geratzen gure lana. Programa berri batekin aritu behar gara lanean gero, movie maker deritzona. Eta honetaz baliatuz, gure bizipen horiek azalerazi beharko ditugu bideo txikitxo baten bitartez. Beraz, lan potoloa daukagu aurretik.
Ezin ukatu ikara, estresa eta estutasuna nabari direla gure aurpegi eta barruetan, baina, emaitza ere polita izan daitekeela uste dugu eta beraz, gogotsu ekingo diogu lanari.
Adibide gisa ikusi ditugun lanek goian jarri digute listoia, benetan lan potoloak izan baitira guztiak. Pertsonalki erronka bat izango dela sentitzen dugun arren, benetan haziko gaituen proiektu baten aurrean gaudela sentitzen dugu. Geure barnea arakatueta analizatzeko balioko diguna, eta sentimentu aldetik zirarra eta kilika ugari sortuko dizkiguna.
Honela ba, ikara, estres, poz, erronka, eta milaka sentimendu gazi-gozoren aurrean aurkitzen gara momentu honetan. Pozik eta beldurtuta era berean. Hala ere, abenturarako prest, beti legez.

 Gurutzatu atzamarrak, begiak itxi eta bagoaz amildegian behera!

Hitzak: beldurra, erronka

Bostgarren klasea!

Gaurkoan ere, klase orduak eskuetattik eskapo egin digu trasteatzen eta kuxkuxeatzen.
Halaere, orduak guztiz produktiboak iruditu zaizkigu. Izan ere, blog-a albo batera laga eta kreatibitatea lantzen duten beste bi programa ezagutu ditugu.
Bata, eduglogster; posterrak, irudiak... eraikitzeko aukera eskaintzen dizun programa. Bertan, irudiak, argazkiak, bideoak, testuak txertatzeko kuadro desberdinak...daude eskuragarri. Berauek txerta genitzake adibidez, gure poster bat eraikitzeko. Beste leku batzuetatik ere hartu genitzake gure irudi, bideo, argazki... propioak berton txertatzeko, beraz, joko ugari egin ditzakegu beronekin. Adibidez, gelako kideen posterra sortzeko, edo gai baten aurretik egoten den azalpen lamina egoki bat sortzeko aukera ezin hobea eskaintzen digu programa honek. Izan ere, esan bezala, irakasle izango garen heinean gure geletan baliabidea bide gisa erabil genezake, eta honela irudimena, sormena eta kreatibitatea lantzea ahalbidetu. Bai geurea eta baita txikiena ere.
Eta bigarren programa, prezi; aurkezpen dinamikoagoak egiteko aukera eskaintzen digun programa da berau. Power Point-aren sistema edo helburu berdina dauka, baina, honek joku gehiago ematen duela eta askoz ere erakargarriagoa dela iruditu zaigu. Gainera, formatu eta erabilera aldetik erraza da. Adibidez, bideoak, argazkiak edota eskemak (hau da, aurkezpenetan gehien erabiltzen diren baliabideak) txertatzea oso erraza delako, dinamikoa. Ikasle garen aldetik, aurkezpenak egiteko baliabide berri eta ezin hobe batekin topo egin dugula uste dugu. Eta gerora begira, asko erabiliko dugun zerbait izan daitekeela ere hausnartu dugu, bai gure proiektuak aurkezteko, txikiekin lan desberdinak egiteko, beste irakasle edo gurasoei zerbait azaltzeko...oso erabilgarria dela deritzogulako.
Hona hemen guk sortutako lehenengo kartela!
Oraindik hobetzeko gauza ugari izango ditugun arren, zapata berriekin dagoen haur baten legez sentitzen gara!
Ea zuen gustokoa den...



Honela ba, gaurko saio guretzat erabat baliagarria eta aberasgarria izan dela iruditu zaigu. Txoko desberdin ugari deskubritzen eta arakatzen aritu gara eta egunero pixkanaka zerbait gehiago ikasten.

Ikasten-ikasten beti gure adimena zabaltzen!

Hitzak: baliabideak, sormena

Aste honetako saioa

Gaurko klasea hitz batekin definitu behar izango bagenu, aberatsa hitza aukeratuko genuke. Izan ere, halaxe sentitu gara, gustora, elkarreraginean eta giro ezin hobean.

Beste saioekin alderatuta, gaurkoa guztiz desberdina izan da gure arteko hartu emanak sendotzen ibili garelako. Bakoitzak orain arte ikasi duena edo egin duena adierazteko aukera izan du, eta baita teknologia berrien mundu honetan izan dituen oztopo, larritasun, krisi, estres, desesperazio etabarrak azaltzeko ere. Barruak hustu egin ditugu eta gustora geratu gara gainera. Izan ere, ordenagailuetan egoten den giro hotz hori epeltzea lortu dugu saio honetan. Batek hitz egiten zuenean guztiok adi egon gara, berak gurekin konpartitzeko zuen hori entzuteko irrikaz eta gogoz egongo bagina legez. Eta gure ustez, konfidantza eta askatasun giroa sortu dugu.

Gure ikasketa prozesuaren gora beherak ere aztertu ditugu, zer egiten ari garen, zertarako... Izan ere, batzuetan galdera bat baino gehiago izaten ditugu, eta egia esan, mundu hau ia guztiontzat berria denez, galduta edo beldurtuta gaudenaren sentimendu hori azaleratzeko aukera ere izan dugu. Azken finean, guztiekin konpartitzean barruan genuen frustazio hori kanporatuko bagenu bezala.

Azkenean, ikastea da gure helburu nagusia eta horixe egiten ari gara. Bai profesionalki eta baita pertsonalki ere, bata bestearekin lotuta bait doaz, elkarri eskutik helduta. Eta ikaste prozesu hori ez da batere erreza, izan ere, bide luzea da helmugarik gabekoa eta baita bide zidor eta gurutze askokoa ere. Honela ba, oztopoak ere aurkituko ditugu, bai noski. Baina, baita berauek gainditu ere. Batzuetan bakarrik egingo diegu aurre, eta besteetan inguruan izango dugun jendeak lagunduko digu. Eta hori da benetako plazerra! 

"Ikasten ikasten ari garelako..."

Hitzak: kanporaketa, elkartrukatu

Hirugarren saioa

Egia esan hirugarren saioan bizi-bizi ibili gara. Izan ere, gadget, widget

html-Javascrip, interfaz...etabarren artean igeri ibili gara. Igeri itsasoan noraezean dabilen belauntza bat legez, nora jo ez dakiela. Hala ere, gelako beste lagunen laguntzaz apurka zalantzak argitzen joan gara, eta momentu larrietan bultzadatxoak jasoaz, kostatuta baina lortu dugu lehorrera iristea. 

Gure talde txikiaren aurkepena egiteko eta gure sentimendu, burutazio edota adierazi nahi dugun hori adierazteko,orrialde berri bi sortu ditugu blogean. 

Gero, kuxkuxeatzen jarraitu dugu, hau jarri bestea jarri eta pixkanaka erlojua, lekeitioko webcam-a, eguraldiaren pronostikoa, eta Kuxkux gure maskota blogaren zati egin dira. 

Honela ba, apurka-apurka bloga kolorea eta forma hartzen ari da eta gu geu ere asko ikasten. Hala ere, artikulua egin ostean jabetu gara, oraindik duda asko ditugula eta beraz, are gauza gehiagotan trebatu behar garela, asko ikasi beharra dugula alegia. 

Beraz, patxadaz hartu ditugu gauzak. Izan ere, gaurko saioan jasotako informazioak gure burmuineko CPUa kolapsatu egin du, eta momentu askotan estu eta larri ibili gara, estresak jotzeko puntuan.

Hala ere, gauza guztiak legez, erronka berriei aurre ere egin diegula ikusteak satisfazioz bate gaitu eta gaur pozik gaude egindako lan guztiarekin. 

Honela ba, sentimendu gaziak eta gozoak saio honetakoak.

Eta bloga badoa aurrera.

Datorren egingo dugunaren eta ikasiko dugunaren zai gelditzen gara gaur!

Hitzak: gogoa, saturazioa

Bigarren eguna mundu berrian!

Gaur, aurreko eta gaurko saioan egindakoaz eta egitekoaz mintzatu dira gure ikaskide diren: Miren, Adriana eta Jasone.
Eta espontaneoki sortu den gai pisutsu bat mahai gainean azaldu zaigu goiz-goizetik, komunikazioa. Pisutsua diogu, gai hau benetan garrantzitsua delako gure egunerokotasunean. Baina, ez gara komunikazio soilaz ari, komunikazio onaz mintzatzen ari bait gara. Eta nola lortu dezakegu guk komunikazio ona? Gakoa, entzuten jakitea da, funtsezkoa. Izan ere, besteekin hartu emonak izateko eta gauzak elkartrukatzeko besteak beste, inprobisazioa, naturalitatea, espontaneitatea, jarrera egokia, errespetua etab. bezalako ezaugarriak beharrezkoak ditugun arren, are garrantzitsuagoa da, besteak entzuten jakitea eta baita gu geu entzuten jakitea ere. Besteen aurrean berbetan aritzeko, arnasa sakon hartzea eta pausak egitea ere presente izan behar ditugun ideiak direlarik.

Saioa aurrera joan ahala, teknologia berrien mundu berrian sakonki murgildu aurretik, denbora tarte bat hartu dugu apurka erlaxatu, arnasa hartu eta giro lasai bat sortzeko. Atmosfera ezin hobea eraiki dugu atzetik zetorren lanari gogoz ekiteko. Musika eta gu.

Eta lasaialdi horren ondoren, lanean hasi gara. Gaurko programari begiradatxo bat bota eta denbora trasteatzen eta blogaren erraiak aztertzen eman dugu. Egia esan, apurka-apurka aurrera goazela esan dezakegu, eta ez da gutxi. Beraz, gaurko saioarekin gustora agertu gara, nahiz eta egin beharreko lanak egiteko denbora ez izan, trasteatzen denborak ihes egin digulako (marikita geuk beharko dugu azkenean!), mundu berri honetan gure lekutxoa egiten ari gara pixkanaka.

Hitzak: elkartrukatu, komunikatu

Egunon!

Aurrera egin pixkanaka-pixkanaka, kuriositatea piztuz, eta deskonfiantza eta inpazientzia gaindituz.

Hasi baino lehen, egunon guztioi eta mil esker txoko honen parte izateagatik!

Ia denontzat berria den mundu batean murgildu gara gaur goizean goiz. Batzuk abenturan murgiltzeko irrikaz eta besteak ikaraz, baina dena dela guztiok gogotsu eta pozik aritu gara kuxkuxeatzen.

Honela ba, deskonfiantza eta inpazientzia bezalako erresistentziak gainditu eta pixkanaka agertzen zaizkigun erronkei aurre egiteko asmoz, guk, Lander, Izaskun eta Ainarak, txoko berezi honen aurkezpena egiten deutsuegu. Gu guztiontzako sortutako txokoa, denon gustu eta plazerrerako egina, alegia.

 Beraz, gustukua izatea espero dugu...

Beste barik, kendu ikarak, gainditu erresistentziak eta laga ditzagun lotsak!

Denontzako den txoko hau berezi egingo dugulako... ONGI ETORRI!

Eta lotsagaz lotuta hemen Kirmen Uribe ondarrutarraren poema bat.

Lagun bat

Bada gorroto dudan lagun bat.

Zuhaitzean gora egin nahi dudanean

 “ez, ez, ez, hobeto ez,” esaten dit,

 “laprast eroriko zara lurrera”.

Bada gorroto dudan lagun bat.

Futbolean jolastu nahi dudanean

 “ez, ez, ez, hobeto ez,” esaten dit,

 “ipurdi azpitik sartuko dizute gola”.

Bada gorroto dudan lagun bat.

Gustuko neskarengana hurreratzean

“ez, ez, ez, hobeto ez,” esaten dit,

 “ez du zurekin nahiko berak”.

Bada gorroto dudan lagun bat.

Anaia txikiari musu eman nahi badiot

“ez, ez, ez, hobeto ez” esaten dit

 “esnatu egingo duzu umea”.

Bada gorroto dudan lagun bat.

Lagun horren izena Lotsa da.

 “Ez, ez, ez, inola ez” esaten diot gauero!

Hitzak: erakargarria, lehen aldia